FESTIVAL DE NADAL

 Rematamos o primeiro trimestre celebrando o FESTIVAL DE NADAL con panxoliñas, bailes e  cun recordo especial  para ÁLVARO CUNQUEIRO no Centenario do seu Nacemento (22 de decembro):
Os nenos e nenas de 5º e 6º interpretaron un dos seus poemas máis coñecidos: "No niño novo do vento" 

BO NADAL!

"Desexamos que sexa a estrela dos afectos a que guíe a lingua galega, unha luz que a todos e todas une". (Manuel Bragado. Faro de Vigo,19 de decembro de 2011)

CASTAÑAS SAUDABLES

Durante este curso no noso centro estamos traballando no  proxecto de

ALIMENTACIÓN SAUDABLE

e ao longo desta semana os nenos e nenas de terceiro de primaria estiveron expoñendo na biblioteca do cole un traballo que fixereron sobre 

 A CASTAÑA

Dende o equipo de dinamización queremos felicitalos porque o traballo estaba moi ben feito e a maneira de presentalo resultou moi clara e interesante. Aprendemos algunhas cousas novas sobre as castañas e lembramos outras que xa sabiamos.

Ao rematar a exposición fixeron preguntas e así poideron comprobar que os compañeir@s estiveran moi atent@s

                                  PARABÉNS!!! 

DESPEDIMOS O SAMAÍN

 Este ano, os nenos e nenas de 2º e 3º Ciclo foron ler os contos TERRORÍFICOS que escribiran  en cursos anteriores a Educación Infantil e a 1º Ciclo.
O resultado foi que os máis pequenos quedaron encantados, pero, a verdade, non moi asustados.

O día 28 de outubro tivemos  unha visita impresionante:
A SANTA COMPAÑA . Andaba por todo o colexio acompañada de música misteriosa e tambores, campaíñas,... Ademais viñan recitando poemas.

Grilos e ralos, rans albariñas,
sapos e bichos de todas crás,(...)


Como me miran eses calabres
e aqueles deños!


Como me miran, facendo moecas
dende as colunas onde me puxeron!
Será mentira, será verdade!

(ROSALÍA DE CASTRO, 
"Follas Novas")



Era un coro resoante,
como un piñar que removen
as témporas do levante;
coro en que hai xordos queixidos,
estralos de de gallas secas
e de corazóns partidos (...)            


Así falei; voz estraña
berrou neste medio tempo:
"Adiante a Santa Compaña"
(CURROS ENRÍQUEZ, "O divino sainete")

MAGOSTO 2011

Na véspera de San Martiño celebramos a festa do magosto,  ademais durante esa semana, na HORA DE LER, fomos á biblioteca porque os nenos e nenas de E.Infantil e os de 1º ciclo de Primaria,(preme para acceder ao vídeo) nos leron contos, adiviñas, poemas... da castaña.
Tamén asistimos a unha actuación dun grupo de pandereteiras de 5º e 6º curso.

A LINGUA SABE A PAN

Moitas grazas ao CPI VIRXE DA SALETA de CEA por compartir este fermoso video

DÍA DA CIENCIA EN GALEGO

                                                       A VÍDEOCONFERENCIA      

O pasado venres día 4 de novembro os alumnos/as de 5º e 6º curso asistimos a unha charla por vídeoconferencia na aula de Informática. A relatora era dona Isabel Fraga, profesora da Universidade de Santiago de Compostela. Falounos da importancia dos bosques, porque o ano 2011 é o ANO INTERNACIONAL DOS BOSQUES                                      (Cristian, 6º)

A vídeoconferencia foi unha oportunidade para coñecer os bosques e ademais resultou  moi interesante e emocionante polo feito de que había aproximadamente 80 colexios conectados cos que podiamos falar (Irene,6º) 


A min pareceume unha experiencia única.  Explicou moitas cousas (Isabel Fraga). Había un apartado de preguntas, nós escribiámolas e ela contestaba falando, porque nos vídeochat se mira a imaxe.

O 4 de novembro fomos os de 4º á clase de 3º  para ver unha vídeoconferencia.Era unha profesora que falaba dos bosques desde Santiago de Compostela. Copiamos o que nos interesaba na libreta de Coñecemento do Medio A min interesáronme moitas cousas.                    (Adrián,4º)
                                                                                               
Aprendín moitas cousas na VIDEOCONFERENCIA: Os tipos de bosque, os beneficios dos bosques e tamén como se perden as árbores.       (Óscar,4º)




FELICITAMOS  Á COORDINADORA GALEGA DE EQUIPOS DE NORMALIZACIÓN E DINAMIZACIÓN LINGÜÍSTICA E A TOD@S  OS QUE FIXERON POSIBLE ESTA EXPERIENCIA.

QUEREMOS RESALTAR, TAMÉN O ENTUSIASMO  E A COLABORACIÓN DO PROFESORADO E DO PERSOAL NON DOCENTE DO NOSO CENTRO PARA  PODER PARTICIPAR NESTA  ACTIVIDADE. 

LINGUA MINORITARIA...

   SI PENSAS QUE O GALEGO É UNHA LINGUA MINORITARIA, NON DEIXES DE VER  ESTE  VIDEO...
http://www.youtube.com/watch?feature=player_detailpage&v=scARyXKiZHk

TOPONIMIA

CORRELINGUA 2011

LOIS PEREIRO

ESTE ANO 2011 O ESCRITOR CONMEMÓRASE NO DÍA DAS LETRAS GALEGAS AO ESCRITOR LOIS PEREIRO.
A COORDINADORA DE EQUIPOS DE DINAMIZACIÓN DA LINGUA GALEGA PON A DISPOSICIÓN DE TODA A COMUNIDADE EDUCATIVA UN TRABALLO MONOGRAFICO SOBRE A SUA VIDA .

                                                    Preme na imaxe para acceder á información

DÍA DO LIBRO INFANTIL E XUVENIL

PARA CONMEMORAR O DÍA DO LIBRO INFANTIL E XUVENIL, CONTAMOS COA VISITA DUN CONTACONTOS:BARDO ABELARDO,PARA O ALUMNADO DE EDUCACIÓN INFANTIL E 1º,2º E 3º DE PRIMARIA.
A ACTUACIÓN RESULTOU DIVERTIDÍSIMA!!! ESCOITAMOS, CANTAMOS E MESMO TIVEMOS TEMPO DE "DANZAR" CO SEU ESPECTÁCULO "OS CANTOS DO BARDO ABELARDO".

O ENTROIDO

A Coordinadora de Equipos de Dinamización da Lingua Galega, pon a disposición de toda a comunidade educativa unha serie de interesantísimos recursos para traballar e afondar sobre o Entroido galego.

Pincha sobre o enlace e verás...

http://www.coordinadoraendl.org/2011entroido/index.php





CONTO DE INVERNO

Open publication - Free publishing - More infantiles

DÍA DA PAZ

O DÍA 28 DE XANEIRO CELEBRAMOS O DÍA DA PAZ.
DESPOIS DE REFLEXIONAR NAS AULAS SOBRE A SÚA IMPORTANCIA PARA A MELLOR CONVIVENCIA DE TODO@S VISUALIZAMOS O CONTO DE WANGARI NA BIBLIOTECA, CANTAMOS A CANCIÓN "IMAGINE" DE JOHN LENNON E DANZAMOS "A CARRASQUIÑA".
FOI UN DIA ESTUPENDO!!!